د ټاپي سترې پروژې چارې په چټکتیا سره روانې دي
د ټاپي سترې پروژې رغنیزې چارې دا مهال د افغانستان په هرات ولایت کې په چټکتیا سره له کوم ځنډ پرته رواني دي. تر دې دمه څه باندې ۶ کیلومټره نللیکه غځول شوې او ۵۵۰۰ مټره نللیکې سیمې ته لېږدل شوي دي. په ورته وخت کې د نللیکې د مسیر د چمتو کولو او انجنیري سروې کارونه هم روان دي چې دغه چاره به د نللیکې غځولو کارونه لا ګړندي کړي.
د کانونو او پترولیم وزارت او د ټاپي نللیکې کمپنۍ مسوولین پلان لري، چې د هوا په ښه کېدو سره کارونه نور هم چټک کړي او له مهالوېش سره سم د هرات برخه د ۲۰۲۶ کال تر پایه بشپړه کړي.
