کانونو او پټرولیم وزارت سرپرستوزیر د سِلک روډ کمپنی له مسؤولینو سره لیدنه وکړه
د کانونو او پټرولیم وزارت سرپرستوزیر د سِلک روډ کمپنی [د مس شیدا قراردادي پروژې] له مسؤولینو سره د خپل کار په دفتر کې لیدنه وکړه.
په یاده لیدنه کې دواړو خواوو د مس شیدا پروژې د اکتشافي ظواهرو، امنیتي مسأیلو او د شته ننګونو په اړه بحث او نظرونه تبادله کړل، په یاد ملاقات کې د قراردادي کمپنی مسؤولینو د وزارت له همکاریو د مننې ترڅنګ په ورته وخت کې د لا نورو همکاریو غوښتنه وکړه.
د یادونې وړ ده چې د مس شیدا پروژې کاني ظواهر د هرات ښار په (۶۵) کیلومټرۍ کې د ادرسکن او ګذرې ولسوالۍ په ګډه پوله موقعیت لري، چې دا مهال د مس شیدا پروژې اکتشافي جواز د یادې کمپنی سره دی.
