د نورستان ولایت د قیمتي او نیمه قیمتي ډبرو د پلور داوطلبۍ ترسره شوه
د نورستان ولایت د برګمټال ولسوالۍ پڅیګرام سیمې د بېلا بېلو کانونو څخه تر لاسه شوې قیمتي او نیمه قیمتي ډبرو د پلور داوطلبۍ(بولۍ) د یاد ولایت د کانونو رئیس مولوي سید رحیم د کمېټې غړو سیمه یزو مسوولینو د ولایتي ادارو د بېلا بېلو ریاستونو استازو او پانګوالو په شتون کې د یوې رڼې پروسې په ترڅ کې ترسره شوه.
په دغه داوطلبۍ کې بېروج ډبرې د شاوخوا(٢٢٠) میلیونه افغانیو په ارزښت سره و پلورل شوې، چې پکې د اسلامي امارت ونډه(٢٠.٧) میلیونه افغانۍ ده، چې دا د عوایدو د زیاتوالي او پانګوالو ته د پانګونې د لا زیاتو فرصتونو برابرولو په برخه کې مهم ګام بلل کېږي.
