د بامیان ولایت د اوسپنې کان تړون لاسلیک شو
د کانونو او پټرولیم وزیر الحاج ملا هدایت الله بدري د بامیان ولایت د یکاولنګ ولسوالۍ د اوسپنې کان تړون، چې ۸۵ کیلومتره مربع مساحت لري د (۴۳۸،۹۶۱،۶۲۶) امریکایی دالر په پانګونې او د ۲۰ سلنې رویالټي په بدل کې د نظري رحیمي او خان وزیري شرکتونو له استازو سره لاسلیک کړ.
په پیل کې د کانونو او پټرولیم وزیر د یاد کان په اړه خبرې وکړې ویې ویل، د دغه کان تړون د ۳۰ کلونو لپاره په دې شرط لاسلیک کېږي، چې قراردادي شرکتونه د کانونو له اصولو، کړنلارو او خپلو ژمنو سره سم فعالیت او کار وکړي.
نوموړي دغه راز یادونه وکړه چې د قراردادي شرکتونو له ژمنو او هوکړو سره سم به د کان سل سلنه پروسس د هېواد دننه ترسره کېږي. سربېره پر دې یې د ټولنیزو خدمتونو او نورو موضوعاتو په اړه خبرې وکړې زیاته یې کړه چې د یادې پروژې په پلي کېدو سره به لسګونو افغانانو ته په مستقیم او غیر مستقیم ډول د کار زمینه برابره شي.
