د ننګرهار تالک، اچین بلاک د راپور د څېړنې پر سر ناسته د کانونو وزارت او اقتصادي عالي شورا د پلاوي ترمنځ جوړه شوه
د ننګرهار تالک، اچین بلاک پروژې لپاره د پروپوزلونو ارزونې راپور پخوا د اقتصاد عالي شورا ته وړاندې شوی ؤ، چې د اقتصاد عالي شورا لخوا پلاوي ته دنده سپارل شوي وه، ترڅو د پروپوزلونو ارزونې راپور چمتو او حالت یې وڅیړي.
د اقتصاد عالي شورا له هدایت سره سم، کانونو او پټرولیم وزارت سرپرست ښاغلي عنایت الله مومند په مشرۍ غونډه، پرون مخکې له غرمې د نوموړي پلاوي سره جوړه شوه، د غونډې په پای کې پریکړه وشوه چې د کانونو او پټرولیم وزارت راپور تائید او د اچین بلاک پروژې داوطلبي یو ځل بیا د اقتصاد عالي شورا ته پیشنهاد کړي.
