اطلاعاتو ته د لاسرسي نړېوالې ورځې په مناسبت د کانونو او پټرولیم وزارت اعلامیه
د جمهوري نظام د بقاء او پیاوړتیا په موخه ضروري ده چې، اطلاعاتو ته لاسرسی د ټولنې د وګړو لپاره اسان او حتمي شي. ددې لپاره چې خلک خپل ضرورتونه د حکومت په ټولو برنامو کې حس کړي، اړینه ده چې په اړه یې هراړخیزو معلوماتو ته لاسرسی ولري.
د کانونو او پټرولیم وزارت د شفافیت د تامین په موخه د حساب ورکړې اصل ته ژمن دی. د افغانستان ټولې زېرمې د افغانستان د خلکو پانګې دي. پدې سکتور کې د هر ډول پرمختګونو، نوښتونو، نویو برنامو او د پروژو په اړه خلکو ته د پر وخت او کره معلوماتو ورکړه زمونږ مسئولیت او ملي رسالت دی.
د کانونو او پټرولیم وزارت رهبري، اطلاعاتو ته د لاسرسي د نړیوالې ورځې په مناسبت، د رسنیو د ټولو شهیدانو روح ته دعا کوي او د بیان د ازادۍ او اطلاعاتو ته د لاسرسي له ټولو ملي او بین المللي اصولو ملاتړ کوي.
