د ترکیې د MTA کمپنۍ له رئیس سره انلاین غونډه ترسره شوه
د کانونو او پټرولیم وزارت تخنیکي ټیم د چهارشنبې په ورځ، د ۱۴۰۵ لمریز کال د غويي میاشتې په ۲مه نېټه، د ترکیې د MTA کمپنۍ له رئیس سره انلاین غونډه ترسره کړه. په دې غونډه کې د افغانستان د کاني زېرمو په برخه کې د پانګونې پر شته فرصتونو او د بېلابېلو منرالونو په اړه یې خبرې و کړې.
د ترکیې د MTA کمپنۍ رئیس د افغانستان او ترکیې ترمنځ اړیکې لرغونې وبللې او په افغانستان کې یې د لابراتوارونو د جوړولو، د کانونو د سروې او د ظرفیت لوړونې په برخو کې د همکاریو ډاډ څرګند کړ.
په پای کې دواړو لورو د تخنیکي بحثونو پر دوام او د اړوندو موضوعاتو د عملي پیل لپاره پر لا زیاتو همکاریو ټینګار وکړ.
