د کانونو او پټرولیم وزارت اداري غونډه تر سره شو
د کانونو او پټرولیم وزارت اداري غونډه د چهارشنبې په ورځ (10/12/1401) نېټې د مالي او ادارې مرستیال مولوي حسام الدین صابري په مشرۍ د وزارت د رئیسانو په شتون کې دمالي اوادارې معینیت د غونډو په تالار کې تر سره شوه.
غونډه د قرآن عظیم الشان د څو مبارکو آیاتونو په تلاوت سره پیل شوه، چې بیا مالي او اداري مرستیال د کانونو او پټرولیم وزارت د تېرې اونۍ د پلانونو، فعالیتونو او دندو په اړه خبرې وکړې او د وزارت په ټولو برخو کې د کار د چټکتیا او ښه والي غوښتنه یې وکړه.
همدارنګه رئیسانو او اړوندو مسوولینو د خپلو فعالیتونو او دندو راپور وړاندې کړ، غونډه د ګډونوالو د نظریاتو او وړاندیزونو له اورېدلو او د دغه وزارت د مالي او اداري مرستیال له لوري د وزارت د کاري بهیر د لا ښه والي په موخه د لازمو لارښوونو په وړاندې کولو سره پای ته ورسېده.
