د کانونو او پټرولیم وزارت لپاره د معلوماتو د مدیریت یو جامع سیستم جوړیږي
د کانونو او پټرولیم وزارت سرپرست محمد هارون چخانسوري نن سهار د وزارت د GIS کارکونکو په ګډون د معلوماتو د مدیریتي سیستم له کارپوهانو سره لیدنه وکړه. په دغه کتنه کې د کانونو او هایدروکاربن په برخه کې د معلوماتو د راټولولو، توحید او ساتنې لپاره په یو جامع مدیریتي سیستم کار پیل شو.
ددغه سیستم په جوړولو سره به د معلوماتو د خوندیتوب سربېره، د معلوماتو مالکیت یوازې د کانونو او پټرولیم وزارت په واک کې راشي او پانګونې فرصتونو او د معلوماتو مدیریت او تحلیل ته به زمینه مساعده شي.