په بهر هيوادونو کې د مېشتو افغان علماوو او کارپوهانو ټولنې له استازو سره د کانونو او پټرولیم وزارت سرپرست لیدنه

د کانونو او پټرولیم وزارت سرپرست شیخ الحدیث شهاب الدین دلاور د افغان علماوو او کارپوهانو د ټولنې له استازو سره نن چهار شنبه 17/3/1402 نېټې په خپل کاري دفتر  ولیدل.
د کانونو او پټروليم وزارت سرپرست مېلمنو ته د ښه راغلاست تر څنګه د اسلامي امارت د تېرو دوو کلونو لاسته راوړنو په اړه خبرې وکړې. 
د يادو علماوو او کارپوهانو په استازيتوب ډاکټر محراب الدين حميدي د بهرنيو اشغالګرو پر وړاندې د افغانانو د جهاد او مبارزې او له فتحې وروسته د اسلامي امارت په ځانګړې توګه د کانونو او پټروليم وزارت د لاسته راوړنو ستاينه وکړه. او د افغانستان اسلامي امارت سره يې د هيواد په اقتصادي ودې لېوالتيا وښودله. او زياته يې کړه چې د اسلامي امارت په همکارۍ به په بهرنیو هیوادونو کې میشتو افغان علمي، فرهنګي او تخنیکي کدرونو ته د راستنیدو زمینه برابره کړو.
د يادونې وړ ده چې د علماوو او مشرانو ياد استازي هغه افغانان دي چې په امريکا, کاناډا, ترکيه او يو شمېر نورو بهرنيو  هيوادونو کې ژوند کوي.