د کانونو او پټرولیم وزارت د یو کال لاسته راوړنو راپور وړاندې کړ

firoz_admin
سه‌شنبه ۱۴۰۱/۵/۱۱ - ۱۴:۲۸
xx

د کانونو او پټرولیم وزارت سرپرست وزیر شېخ الحدیث شهاب الدین دلاور د تخنیکي معین انجنیر وحیدالله حلیمي او د پلان او پالیسۍ معین شېخ ضیاءالرحمن اریوبي په شتون کې د دولت د اطلاعاتو او رسنیو په مرکز کې د یو خبري کنفرانس له لارې د یاد وزارات د یو کال د فعالیتونو او لاسته راوړنو راپور نن سه شنبه ۵/۱۱/۱۴۰۱ نېټې د رسنیو له لارې خلکو ته وړاندې کړ. 
په دغه کنفرانس کې د کانونو او پټرولیم سرپرست وزیر وویل: د کانونو او پټرولیم وزارت د پالیسۍ جوړونې څانګه ده چې اصلي دنده یې د پالیسیو طرحه کول، د کانونو د چارو تنظیمول او په دې برخه کې د خپلو فعالیتونو کنټرول دی، له شته امکاناتو څخه په استفادې او د هېواد اوسني اقتصادي او ټولنيزو شرايطو او د دې سکتور د لومړيتوبونو په پام کې نيولو سره يې په دې برخه کې پراختيايي پروګرامونه او لازم اصلاحات پلان او پلي کړي، چې الحمدالله په بېلابېلو برخو کې يې د پام وړ پايلې ترلاسه کړې دي. 
او همدارنګه ښاغلي شېخ الحدیث صاحب د افغانستان اسلامي امارت اقتصادي لیدلوری، د کانونو او پټرولیم وزارت لیدلوری، د کانونو او پټرولیم وزارت عمده لاسته راوړنې، په اداره او بودیجه کې اصلاحات، د کوچني کانونو قراردادونه، د لوی کانونو قراردادونه، د کټواز د تېلو ساحې هوايي سروې پروژه، د قشقري تېلو استخراج. د کانونو سروې تر سره کول، د مس عینک پروژه، د ټاپي پروژه، پلانونه، پالیسۍ او د روڼتیا برابرول او د راتلونکو پلانونو او برنامو د موضوعاتو په اړه خبرې وکړې  او یادونه یې وکړه چې د افغانستان د اسلامي امارت له حاکمیت سره تراوسه د کانونو او پټرولیم وزارت ټول یو کلن عواید (۱۳،۲۰۹،۲۷۴،۴۷۶) دیارلس اعشاریه دوه ملیارده افغانۍ کیږي. چې له دې جملې څخه (۱۱۱،۹۰۰،۴۳۹) میلونه افغانۍ د جمهوریت د شيږو میاشتو دي خبرې وکړې.
له نیکه مرغه د افغانستان د اسلامي امارت نظام په راتګ او د کانونو او پټرولیم وزارت د مسولینو د زیاتو هڅو په پایله کې د دغه وزارت د پورونو یوه لویه برخه چې د ۱۳۸۳ څخه تر ۱۴۰۰ کالونو په جریان کې د کانونو د ستخراج پر شرکتونو پورونه وو چې راټول کړي نه وو اوس مو تعقیب او راټول کړي.
په پای کې د کانونو او پټرولیم وزارت سرپرست د رسنیو پوښتنو ته ځوابونه وویل.

تازه خبرونه

سه‌شنبه ۱۴۰۱/۵/۲۵ - ۱۴:۴۰
Background image

د (MJAM) کمپنۍ رئيس سره د کانونو او پټرولیم وزارت سرپرست لیدنه

د کانونو او پټرولیم وزارت سرپرست وزیر شېخ الحدیث شهاب الدین دلاور د مس عینک پر پروژې د کار د پېل لپاره د چین هیواد د (MJAM) کمپنۍ له نوي رئیس ښاغلي خه شو پینګ سره نن سه شنبه 25/5/1401. . .

یکشنبه ۱۴۰۱/۵/۲۳ - ۱۲:۱۷
Background image

د نفرایټ قراردادونو د رویالیتۍ د تحویلۍ له  درکه د عوایدو  په هکله  

د د ننګرهار ولایت په مربوطاتو کې د نفرایټو ۱۱ رسمي قراردادونه لرو چې د هغې له جملې څخه ۴ شرکتونو د نفرایټو استخراج او صادرات پیل کړي چې هریو:
1.    د حاجي حکمران شرکت ۲ ټنه او ۱۰۰ کیلو. . .

شنبه ۱۴۰۱/۵/۲۲ - ۱۷:۹
Background image

د لویو کانونو پروژو د داوطلبۍ په اړه معلوماتي غونډه تر سره شوه

د کانونو او پټرولیم وزارت، د مالیې، د اقتصاد، صنعت او سوداګرۍ ، د انرژۍ او اوبو وزارتونو او د چاپیریال ساتنې ادارې تر منځ د هرات ولایت د غوریانو اوسپنې او د غور ولایت د سرپ او جست پروژو. . .

بېرته خبرونه ته