د کانونو او پټرولیم وزارت د سروې او نقشه اخیستنې ریاست د (3) نمبر سیمهییز ټیم لخوا، د خوست ولایت د ساختماني موادو سروې
کانونو او پټرولیم وزارت د هېواد کاني زیرمو ته د پانګونې د راجلبولو، د کاني زېرمو څخه د اغېزناکې ګټې اخیستنې، هېوادوالو ته د کاري فرصتونو د ایجادولو او د هېواد ملي عوایدو د لوړولو په موخه، د خوست ولایت د ساختماني موادو سروې ترسره کړه.
د ساختماني موادو (د چونې ډبرو) سروې، د خوست ولایت د ګربزو ولسوالۍ اړوند سیمو، لکه: میداني، ګړم، ایږدنو کلی، مدیخیل (1 او 2) او خاوني سام سیمې تر مطالعې لاندې نیولي دي.
د یاد ټیم عمده فعالیتونه؛ په 1:10000، 1:25000 اندزې د جیولوجیکي نقشې اخیستنه او د لابراتواري تجزیې لپاره د نمونو د راټولول دي.
د یادونې وړ ده، چې یاد ټیم د دې ولایت د تڼیو ولسوالۍ د تور غر مس، د سپېرې ولسوالۍ د غبرګې سیمې نفرایټ او د سړو اوبو د چونې ډبرو لومړنۍ سروېګانې هم بشپړې کړې دي.
