د معلوماتي سیسټمونو ریاست د NTA قراردادي بستونو ازموينه ترسره شوه
د کانونو او پټرولیم وزارت د معلوماتي سیسټمونو ریاست له لوري د اوو NTA قراردادي بستونو ازموينه چې په کې ۲۱ تنو ګډون کړی وو ترسره شوه.
د ګډونوالو اسناد د رڼې ارزونې وروسته، د برېښنايي ازموينې لپاره د اداري اصلاحاتو او ملکي خدمتونو ادارې ته ولېږل شول. له برېښنايي ازموينې وروسته، بریالي نوماندان د يوې بشپړې رڼې او عادلانه پروسې له لارې انټرویو ته معرفي شول.
د انټرویو پایلې به د کانونو او پټرولیم وزارت د اصولو پر بنسټ په نږدې ورځو کې اعلان شي.
کانونو او پټرولیم وزارت روڼتیا، امانتدارۍ او کار اهل کار سپارلو ته ژمن دی او د ځوانو او متخصصو کدرونو هرکلی کوي.
