د لومړي ځل لپاره د افغانستان د قیمتي او نیمه قیمتي ډبرو، پېر او صادراتو ته زمینه برابره شوه

firoz_admin
شنبه ۱۴۰۰/۲/۱۸ - ۸:۴۴
ss

د افغانستان د اسلامي جمهوریت جمهوررئیس محمد اشرف غني په مشرۍ د اقتصاد د عالي شورا د ۱۵/۲/۱۴۰۰ نېټې لومړۍ غونډې د قیمتي او نیمه قیمتي ډبرو د پېر او صادراتو د اسانتیا طرزالعمل تایید کړ.

دا طرزالعمل، د خصوصي سکتور سره په همغږۍ، د یو شمېر جلسو په پایله کې، د کانونو او پټرولیم وزارت لخوا ترتیب شو. په دغه طرزالعمل کې د رویالټۍ د تعیین څرنګوالی او د رویالټۍ د نرخونو جدول، د خصوصي سکتور سره په همغږۍ، مشخص شوي دي.

له دې طرزالعمل څخه موخه، د افغانستان د قیمتي او نیمه قیمتي ډبرو د ارزښت لوړوالی، د خصوصي سکتور او حرفوي کان کیندونکو لپاره د پانګونې د اسانتیاو برابرول، له قاچاق، خودسره کان کیندنې او د عوایدو فرار څخه مخنیوی دی.

د کانونو او پټرولیم وزیر محمد هارون چخانسوري د دې طرزالعمل منظوري د خصوصي سکتور او حرفوي کان کیندونکو لپاره د نړۍ په بازار کې د افغانستان د قیمتي او نیمه قیمتي ډبرو د اصلي مقام د احیاء لپاره، لویه لاسته راوړنه بولي.

هغه څرګنده کړه: په پروسه کې د اسانتیا، په چارو کې د سرعت او د روڼتیا د تامین لپاره، د کانونو او پټرولیم وزارت له خصوصي سکتور او اړونده نهادونو سره په همغږۍ، د قیمتي او نیمه قیمتي ډبرو د پېر او صادراتو د تصدیق پاڼې د مراحلو د طی کولو پروسه، د الکترونیکي سیستم له طریقه تطبیق کوي.

همداراز، کانونو او پټرولیم وزیر په ننګرهار او کاپیسا ولایتونو کې د تالکو د معدن (د کوچني او ستر مقیاس) ساحو د بلاک بندۍ نوې طرحه، غوڼدې ته وړاندې کړه او وړاندیز یې وکړ چې د داوطلبۍ مخکینۍ پروسه دې لغوه او یادې ساحې دې د نوې بلاک بندۍ پر بنسټ، د داوطلبۍ اعلان ته وسپارل شي.

د اقتصاد عالي شورا یاده طرحه تایید، د داوطلبۍ پخوانۍ پروسه یې لغوه او د کانونو او پټرولیم وزیر ته یې دنده وسپارله چې نوې ساحې دې د تصویب په موخه، د افغانستان د اسلامي جمهوریت کابینې ته وړاندې کړي.

تازه خبرونه

سه‌شنبه ۱۴۰۰/۴/۱ - ۱۸:۸
Background image

د قیمتي‌ او نیمه قمیتي‌ ډبرو د طرزالعمل د تطبیق د هماهنګۍ له پاره غونډه وشوه

د قیمتي‌او نیمه قیمتي‌ ډبرو طرز العمل چې د اقتصادي عالي شورا له خوا تصویب شوی  او تر تطبیق لاندې و، د لا ښه  اغیزناکه تطبیق له پاره یې نن د کانونو او پټرولیم وزارت کې د هماهنګي غونډه. . .

سه‌شنبه ۱۴۰۰/۴/۱ - ۱۲:۵۹
Background image

افغانستان د استخراجي صنایعو د روڼتیا نوښت (AEITI) اووم راپور خپور کړ

د افغانستان د استخراجي صنایعو د روڼتیا نوښت  (AEITI جون میاشتې په ۱۹ مه کال ۲۰۲۱ میلادي چې د ۱۴۰۰ ه ل د غبرګولي له ۲۹ مې نیټې سره سمون لري، اووم راپور خپور کړ. د یادونۍ وړ دې چې د AE. . .

سه‌شنبه ۱۴۰۰/۳/۲۵ - ۱۶:۸
Background image

د افغانستان او چک جمهوریت چارواکو د دواړو هیوادونو  ترمنځ د سوداګرۍ او پانګونې په اړه ناسته ترسره کړه

په دغه ناسته کې د افغانستان د کانونو او پټرولیم وزیر محمد هارون چخانسوري، د صنعت او سوداګرۍ وزیر نثار احمد فیضي غوریاني، د پانګونې اسانتیا واحد عمومي رییس عطاالله نصیب، د ملي تداروکاتو. . .

بېرته خبرونه ته