د کانونو د انسټیټوت رئیس معرفي شو
د کانونو او پټرولیم وزارت د مشرتابه په وړاندیز او د ریاست الوزرا د حکم په اساس عبدالخالق چوپان د کانونو انسټیټوت د نوي رئیس په توګه د یاد ریاست کارکوونکو ته ور وپېژندل شو.
په یاده غونډه کې د مقام د دفتر عمومي رئيس الحاج معراج محمد معراج د کارکوونکو چارو ریاست رئیس مولوي احمد ضیاء خاکسار او یو شمېر نورو رئیسانو ګډون کړی و، د مقام د دفتر عمومي رئیس د مخکیني رئیس د کارونو ستاینه وکړه او ښاغلي چوپان ته یې د نوې دندې مبارکي ورکړه ویې ویل: په اداراتو کې بدلون یو اصل په همدې موخه باید د مشرانو د اوامرو اطاعت وشي تر څو ملت ته د خدمت جوګه شو.
د کانونو انسټیټوت رئیس ژمنه وکړه چې ورسپارل شوې چارې به په پوره روڼتیا او د هېواد منل شویو قوانینو په رڼا کې د وزارت د مشرتابه سره په همغږۍ ترسره کړي.
