د هرات ولایت د مالګې تړون لاسلیک شو
د کانونو او پټرولیم وزیر الحاج ملاهدایت الله بدري د ۱۴۰۵ لمریزکال د وري میاشتې په ۱۱مه نېټه د هرات ولایت د غوریانو ولسوالۍ د نمکسار سیمې د مالګې د پنځم بلاک تړون، چې ۱۰.۵۱ کیلومټره مربع مساحت لري د ۵,۳۴۲,۰۰۰ امریکایي ډالرو په پانګونې سره، د رحماني زرخان زوی شرکت سره لاسلیک کړ.
د کانونو او پټرولیم وزیر د یادو کانونو په اړه وویل: د دې کان تړون د هر ټن په بدل کې د ۱۵۰۰ افغانیو رویالټي په ټاکلو سره د پنځلسو کلونو لپاره، په دې شرط لاسلیک کېږي، چې شرکت به د کانونو د قانون او کړنلارې او خپلو ژمنو سره سم خپلې چارې ترسره کوي.
د یادونې وړ ده چې یاد شرکت به د رویالټي د ورکړې تر څنګ، د ټولنیزو خدمتونو او د چاپېریال ساتنې په برخو کې به هم خپلې ژمنې عملي کوي سربېره پردې به شاوخوا ۱۱۰ کسانو ته د کار زمینه برابره شي.
