د کانونو او پټرولیم وزارت سرپرست د ولایتونو د کانونو له یو شمېررئیسانو سره وکتل

د کانونو او پټرولیم وزارت سرپرست الحاج ملا هدایت الله بدري د چهارشنبې په ورځ (18/7/1403) نېټې د ارزګان، هلمند، زابل، غور، کندهار او نیمروز ولایتونو د کانونو له رئیسانو سره په کتنه کې د ستونزو د حل او د کارونو د ښه والي په اړه خبرې وکړې.

د یادو ولایتونو د کانونو رئیسانو هر یو د خپلو کارونو او فعالیتونو راپور د وزارت له مشرتابه ته وړاندې کړ او د چارو د لا ښه والي په موخه یې خپل وړاندیزونه د کانونو او پټرولیم وزارت له سرپرست سره شریک کړل.

د کانونو او پټرولیم وزارت سرپرست د دوی کړنې وستایلې او ټینګار یې وکړ چې د روڼتیا، د کانونو د غیر قانوني استخراج او قاچاق د مخنیوي او د یادو ولایتونو له ټولو امارتي ادارو سره په همغږۍ د خلکو د خدمت په برخه کې لا زیاتې هڅې وکړي.