د کانونو او پټرولیم وزارت سرپرست له چینايي پانګوالو سره وکتل
د کانونو او پټرولیم وزارت سرپرست شیخ الحدیث شهاب الدین دلاور، د پلان او پالیسي مرستیال شیخ ضیاءالرحمن الاریوبي او رئیسانو په شتون کې له یو شمېر چینايي پانګوالو سره وکتل.
چینایي پانګوالو په افغانستان کې د پانګونې فرصتونه مناسب وګڼل او د هېواد د کانونو په ځانګړي ډول د نفتو او ګازو په برخه کې یې د پانګونې په موخه د دغه وزارت د همکارۍ غوښتنه وکړه.
د کانونو او پټرولیم وزارت سرپرست دوی ته د ښه راغلاست ترڅنګ وویل: د افغانستان اسلامي امارت په ټول هېواد کې د امنیت د تامین سربېره یې د بهرنیو پانګوالو د جلب او جذب لپاره اسانتیاوې او مناسب چاپېریال برابر کړی او کولای شي د افغانستان په کاني زېرمو کې د پانګونې په موخه خپل پروپوزلونه وړاندې کړي.
