د کوچنیو کانونو تطبیق ته د نوي رئیس معرفي کېدل

مولوي عبدالوهاب ظهیر آخندزاده چې مخکې د هرات ولايت د کانونو د رئيس په توګه دنده ترسره کوله. د وزارت د مقام 28/4/1402 نېټې د 3 شمېرې وړاندې او د ریاست الوزرا محترم مقام 9/5/1402 نېټې د 309 شمېر حکم په اساس د کوچنیو کانونو تطبیق رئیس په توګه د سه شنبې په ورځ د 10/5/1402 نېټې د پلان او پالیسي مرستیال شېخ الحدیث ضیاءالرحمن الاریوبي او یو شمېر رئیسانو له لوري د یاد ریاست کارکوونکو ته ورمعرفي شو.

 د پلان او پالیسۍ مرستیال نوي رئیس ته د مبارکي ویلو تر څنګ یې په چارو کې ورته د بریالیتوب هیله وکړه.

مولوي عبدالوهاب ظهیر آخندزاده د وزارت د محترم مقام د باور د قدردانۍ په ترڅ کې ژمنه وکړه چې د وزارت د مشرتابه پلاوي سره په همغږۍ او د دغه رياست د کارکوونکو په همکارۍ به ورسپارل شوې چارې په سمه توګه مخته وړي.

غونډه د پلان، څارنې او ارزونې عمومي رئیس مولوي مطیع الله حقاني له لوري د قران کریم د څو مبارکو آیاتونو په تلاوت سره پای ته ورسېده.