د هرات ولایت شیدا د مسو کان د قراردادي شرکت له مشر سره د کانونو او پټرولیم وزارت سرپرست لیدنه

د کانونو او پټرولیم وزارت سرپرست شیخ الحدیث شهاب الدین دلاور د مرستيالانو او يو شمېر رئیسانو په شتون کې د هرات ولایت شیدا د مسو کان قراردادي شرکت له مشر او هيئت سره نن پنجشنبې 1402/3/25 نېټې په خپل کاري د فتر کې وکتل.
په دې لیدنه کې د هرات ولایت شیدا د مسوکان د کار د پیل څرنګوالي په اړه بحث او نظرونه وړاندې کړل.
یاد کان چې په تېر حکومت کې سېلک روډ میننګ ( Silk Rood Mining)  شرکت ته په قرارداد ورکړل شوی و
هغه وخت یې د ځینو ستونزو له کبله کار وځنډېده." او اوس چې په ټول هېواد کې سرتاسري امنیت دی او د پانګونې لپاره ښه زمينه برابره ده. موږ غواړو چې په یاد کان باندې کار پېل کړو" او په همدې موخه يې خپل نظرونه او وړانديزونه واورول. 
د کانونو او پټرولیم وزارت سرپرست د هغوئ غوښتنو له اورېدو وروسته وویل:  که چېرې قرار دادي شرکت ژمن وي، موږ ورته د کانونو د قانون او طرزالعمل په مطابق کې هر ډول همکاري او اسانیتاوو ته چمتو یو.