کانونو او پټرولیم وزارت سرپرستوزیر عنایتالله مومند د ملګرو ملتونو د ځانګړي نظارت ټیم سره لیدنه ترسره کړه
کانونو او پټرولیم وزارت سرپرستوزیر ښاغلي عنایتالله مومند د ملګرو ملتونو د ځانګړي نظارت ټيم سره لیدنه ترسره کړه؛ د دې لیدنې هدف د افغانستان په صنایع استخراجي سکټور کې د ترهګریزه ډلو ښکلتیا، په کاني سیمو کې د ترهګرو د فعالیتونو او د دې منابعو نه د ترهګریزه ډلو د تمویل په اړه خبرې اترې ترسره شوي.
کانونو او پټرولیم وزارت سرپرستوزیر ښاغلي مومند وویل: «مونږ د افغانستان د صنایع استخراجي سکټور د مدیریت لپاره او د ترهګریزه ډلو د مخنوي په موخه د دې سکټور د محافظت طرحه جوړه کړې؛ مونږ د کانونو د ساتنې په موخه کمیټه جوړه کړې چې یاده کمیټه د افغانستان د امنیت شورا په مشرئ او کانونو او پټرولیم وزارت په شمول د ټولو امنیتي ارګانونو سره په ګډه د افغانستان د منابع د ساتنې او محافظت لپاره کار کوي».
ښاغلي مومند زیاته کړه چې «مونږ د دې کمیټې په د جوړښت سره ۱۵ ولایتونه چې غیرې قانوني کیندنې پکې زیاتې دي مشخصه کړي. او هغه ټولې سیمې چې غیرې قانوني کیندنې پکې کیږي قانوني کړو؛ مونږ د جواز ورکولو نه مخکې ټولې هغه پروسې چې د یو قراردادي هویت او شناخت معلوم کړي ترسره کوو.
د ملګرو ملتونو د ځانګړي ټيم په استازیتوب ښاغلی ویکتور شټونډا خبرې وکړې او وویل د افغانستان صنایع استخراجي سکټور نه باید د افغانستان د خلکو لپاره ګټه واخیستل شي. او مونږ به دافغانستان حکومت سره کار وکړو ترڅو د دې سکټور نه ترهګریزه ډلې ګټه پورته نکړي؛ هغه زیاته کړه چې د ملګرو ملتونو امنیت شورا کې به د افغانستان د صنایع استخراجي سکټور د پرمختګونو او مشکلاتو په اړه ګزارش ورکړل شي.
#کانونواوپټرولیموزارت #MoMP
