د کانونو او پټرولیم وزیر د کار او ټولنیزو چارو وزارت له مرستیال سره وکتل
د کانونو او پټرولیم وزیر الحاج ملاهدایت الله بدري د چهارشنبې په ورځ د ۱۴۰۴ لمریز کال د تلې میاشتې په ۲مه نېټه په خپل کاري دفتر کې د کار او ټولنیزو چارو وزارت د کار چارو مرستیال مولوي محمد زاهد احمدزي او مل پلاوي سره وکتل.
په دې کتنه کې دواړو لورو ټینګار وکړ چې د ګمارنې په برخه کې دې د کان کیندنې شرکتونه افغانانو ته په ځانګړي ډول د سیمې خلکو او بېرته راستنېدونکو کډوالو ته لومړیتوب ورکړي دغه راز یې د بین الوزارتي همغږۍ پر موضوعاتو هر اړخیزې خبرې وکړې.
د کار چارو مرستیال د کانونو او پټرولیم وزارت د مشرتابه هڅې د کار موندنې په برخه کې وستایلې او غوښتنه یې وکړه چې د کورنیو او بهرنیو کارکوونکو د ګمارنې په برخه کې دې قراردادي شرکتونه د کار او ټولنیزو چارو وزارت له اصولو سم ګمارنې وکړي.
د کانونو او پټرولیم وزیر ډاډ ورکړ چې هېوادوالو ته به د کاري فرصتونو په برخه کې خپلې هڅې لا ګړندۍ کړي او د لازیاتو همکاریو پر دوام یې ټینګار وکړ.
