د کانونو او پټرولیم وزارت سرپرست په افغانستان کې د ملګرو ملتونو پراختیایي ادارې له مسئول سره وکتل
د کانونو او پټرولیم وزارت سرپرست محمد هارون چخانسوري نن له غرمې مخکې په افغانستان کې د ملګرو ملتونو پراختیایي ادارې (UNDP) مسوول عبدالله الدرداري سره په خپل کاري دفتر کې وکتل.
د کانونو او پټرولیم وزارت سرپرست محمد هارون چخانسوري د کانونو د لارې د نقشې په اساس د برنامو د تنظیم او د تخنیکي ظرفیت د عیارولو په هکله خبرې وکړې او د افغانستان د کانونو په سکتور کې یې د شفافیت، تحرک او سرعت لپاره د وزارت د نویو برنامو په اړه معلومات ورکړل.
د ملګرو ملتونو پراختیایي ادارې (UNDP) مسوول عبدالله الدرداري د کانونو او پټرولیم وزارت سرپرست ته په چارو کې د بریالیتوب هیله څرګنده کړه او په تخنیکي برخو کې یې د هر ډول همکاریو ډاډ ورکړ.
