د کانونو او پټرولیم وزارت سرپرست د ټاپي لمیټد شرکت (TPCL) له رئيس سره وکتل
د کانونو او پټرولیم وزارت سرپرست ښاغلي عنایت الله مومند نن ورځ مخکې له غرمې د ټاپي پروژې د پرمختګ په اړه د(TPCL) له رئيس ښاغلي محمد مراد امانوف او په افغانستان کې د ترکمنستان له سفیر ښاغلي آویزوف خواجهسفر گیدویچ سره وکتل.
په دغه لیدنه کې دواړو خواوو د ټاپي پروژې د پلي کیدو، د نامکملو تفاهم نامو د نهایې کولو، د ټاپي پروژې د ځمکې استملاک قانون نهایې کول (د ټاپي پروژې د ځمکنیو چارو تنظیم قانون)، د بریښنا او کیمیاوي سرې تولید لپاره د ټاپي ګاز کارولو ساحې، د کورنیو لپاره د بریښنا توزیع، د مالي موضوعاتو او د ترکمن ګاز او افغان ګاز ترمینځ د تخنیکي همکارۍ په خاطر د افغانستان په شمالي ولایتونو کې د ګازي پروژو د پلي کولو په اړه خپل نظرونه تبادله کړل.
#افغانستان #ترکمنستان #ټاپي #TPCL #کانونو_او_پټرولیم_وزارت #MoMP