د کانونو او پټرولیم وزارت سرپرست د لوګر ولایت له امنیه قومندان سره وکتل
د کانونو او پټرولیم وزارت سرپرست شیخ الحدیث شهاب الدین دلاور د لوګر ولایت له امنیه قوماندان سره وکتل او پر بېلابېلو موضوعاتو یې خبرې وکړې.
په پیل کې د لوګر ولایت امنیه قومندان د کانونو او پټرولیم وزارت له سرپرست سره په لیدنې خوښي څرګنده کړه، دغه راز یې دیاد ولایت د کاني زېرمو او قراردادونو په برخه کې د کانونو او پټرولیم وزارت د فعالیتونو او لاسته راوړنو ستاینه وکړه، د خلکو وړاندیزونه او ستونزې یې شریکې کړې، د کانونو او پټرولیم وزارت له مشرتابه څخه یې وغوښتل چې د خلکو د ستونزو د هواري په برخه کې ورسره همکاري وکړي.
د کانونو او پټرولیم وزارت سرپرست د لوګر امنیه قومندان او مل پلاوي له راتګ څخه مننه وکړه ډاډ یې ورکړ، چې د کانونو د قانون او طرزالعمل اړوند به د یادو ستونزو د حل په برخه کې لازمې کړنې ترسره کړي.
