د کانونو او پټرولیم وزارت سرپرست د فاریاب ولایت له والي او مشرانو سره وکتل

د کانونو او پټرولیم وزارت سرپرست شیخ الحدیث شهاب الدین دلاور، د پلان او پالیسۍ مرستیال شیخ ضیاءالرحمن الاریوبي او ورسره مل پلاوي د سه شنبې په ورځ 9/3/1402 نېټې د فاریاب له والي، علماوو، مشرانو او متنفذینو سره وکتل. 
په پيل کې د فارياب والي د کانونو او پټروليم وزارت له سرپرست څخه د هیواد په شمال کې د کانونو ریاست او آمریتونو د کارونو او فعالیتونو ته د بررسي لپاره په سفر کولو خوښي څرګنده کړه. 
په دې کتنه کې د فارياب ولايت والي او مشرانو د خلکو د ستونزو او اړتياوو یادونې تر څنګ يې په دې برخه کې د وزارت د مشرتابه د پاملرنې غوښتنه وکړه.
د کانونو او پټرولیم وزارت سرپرست د دغه ولایت د خلکو  وړاندیزونه، نظرونه او ستونزې واورېدې او  ژمنه يې وکړه چې د امارت مشرتابه مقام ته به یې ورسوو.