د کانونو او پټرولیم وزارت سرپرست د بغلان کانونو له ریاست څخه لیدنه وکړه
د کانونو او پټرولیم وزارت سرپرست شیخ الحدیث شهاب الدین دلاور، د پلان او پالیسۍ مرستیال شیخ ضیاء الرحمن الاریوبي او مل پلاوي د بغلان ولایت د کانونو له ریاست څخه لیدنه وکړه.
په پېل کې د یاد ولایت کانونو رئیس د کانونو او پټرولیم وزارت سرپرست او مل پلاوي ته ښه راغلاست وویل او زیاته یې کړه: چې د دوی په لارښوونو سره د ریاست په ورځینو چارو کې ښه نظم او خدمتونه رامنځته شوي دي.
د کانونو او پټرولیم وزارت سرپرست د دغه ریاست له کار کوونکو سره د لیدنې تر څنګ د بغلان ولایت منسوبینو، مشرانو، متنفذینو او کان کېندونکو سره هم ولیدل او یو شمېر کان کېندونکو ته یې کاري جوازونه ورکړل. او همدارنګه یې د مسلکي کسانو له خوا د کانونو په استخراج، عصري وسایلو او د صوفونو پر تامینولو ټینګار وکړ.
