د کانونو او پټرولیم وزارت سرپرست د امارتي شرکتونو له عمومي رئیس سره وکتل
د کانونو او پټرولیم وزارت سرپرست الحاج ملا هدایت الله بدري د یکشنبې په ورځ د ۱۴۰۳/۱۲/۱۲ نېټې د امارتي شرکتونو له عمومي رئیس مولوي احمد جان بلال سره په خپل کاري دفتر کې وکتل.
په دې کتنه کې دواړو لورو په بېلا بېلو موضوعاتو، په ځانګړې توګه د شبرغان ګاز او د شمال ډبرو سکرو او دوه اړخیزو همکاریو په اړه خبرې وکړې. همدا راز یې د ډبرو سکرو د معیاري استخراج او هېواد والو ته د کاري فرصتونو برابرولو په اړه بحث او نظرونه شریک کړل.
