د کانونو او پټرولیم وزارت سرپرست د افغانستان لپاره د پاکستان له ځانګړي ستازي او په کابل کې د پاکستان له سفیر سره په خپل کاري دفتر کې ولیدل
د افغانستان د اسلامي امارات د کانونو او پټرولیم وزرات سرپرست د افغانستان لپاره د پاکستان ځانګړی استازی محمد صادق، په کابل کې د پاکستان سفیر منصور احمد خان او مل پلاوي سره په خپل کاري دفتر کې ولیدل.
په دغه لیدنه کې د افغانستان اسلامي امارات د کانونو او پټرولیم وزارت سرپرست د ښه راغلاست تر څنګ یې د دواړو هیوادونو د اړیکو او ښه ګاونډیتوب په هلکه یې خبرې وکړې.
د افغانسان لپاره د پاکستان استازي او ورسره مل پلاوي د کانونو او پټرولیم وزارت له مېلمه پالنې مننه وکړه، او همدارنګه یې د دوه اړخیزو اړیکو د پیاوړتیا او د پاکستان او افغانستان تر منځ یې د اقتصادي همکاریو په اړه خبرې وکړې.
د پاکستان سفیر دا هم وویل چې د دواړو هیوادونو تر منځ سوداګرۍ په افغانستان کې په تلپاتې سولې پورې تړلې دی او موږ د یوه ازاد او باامنه افغانستان غوښتونکي یو چې د دواړو ګاونډیو هیوادونو په ګټه وي.
