د کانونو او پټرولیم وزارت سرپرست د اسلامي همکاریو سازمان له رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور، د پلان او پالیسي مرستیال شیخ ضیاءالرحمن الاریوبي او د وزارت د یو شمېر رئیسانو په ګډون د اسلامي همکاریو سازمان له رئیس او غړو سره ولیدل.
په دغه لیدنه کې د کانونو او پټرولیم وزارت سرپرست د هېواد اقتصادي پیاوړتیا، سیاسي حالت، امنیت د ښځو پر زده کړو او کار او همدارنګه د کانونو او پټرولیم وزارت د فعالیتونو او لاسته را وړنو په اړه معلومات ور کړل.
د اسلامي همکاریو سازمان استازي د اسلامي امارت کړنې او پرمختګ وستایه او د هر ډول همکاریو په اړه یې ټینګار وکړ.
