د کابل ولایت د کانونو ریاست ته نوی رئیس ور وپېژندل شو
د کانونو او پټرولیم وزارت د مقام په وړاندیز او د افغانستان د اسلامي امارت د ریاست الوزراء د حکم په اساس د 12/6/1403 نېټې مولوي عبدالوهاب ظهیر د کابل د کانونو د نوي رئیس په توګه د وزارت د مقام دفترعمومي رئیس الحاج محمد معراج «معراج» له لوري د یو شمېر رئیسانو په شتون کې د دغه ریاست کارکوونکو ته ور وپیژندل شو.
په دې مراسمو کې د قرآنکریم د څو مبارکو آیتونو له تلاوت وروسته د وزارت د مقام د دفتر عمومي رئیس په اداراتو کې بدلون د ښه والي په موخه یو اصل وباله، ښاغلي ظهیر ته یې د مبارکۍ ویلو سربېره د کابل د کانونو د پخواني رئیس د کار او فعالیتونو ستاینه وکړه.
په پای کې د کابل د کانونو نوي رئیس د کانونو او پټرولیم وزارت د مشرتابه د باور څخه مننه وکړه او ژمنه یې وکړه، چې د چارو د لاښه پر مخ وړلو کې به هیڅ ډول هڅې ونه سپموي.
