د ډبرو سکرو د پلور او انتقال هوکړه لیک لاسلیک شو
د کانونو او پټرولیم وزارت، کابل ښاروالۍ او محبت سادات ترانزیټي، تجارتي او بار وړونکي شرکت له لوري د ډبرو سکرو د پلور او انتقال هوکړه لیک لاسلیک کېدل.
یاد هوکړه لیک د پلان او پالیسي مرستیال شیخ ضیاء الرحمن الاریوبي، د کابل ښاروالۍ مرستیال او دیاد شرکت د رئیس له لوري لاسلیک شو.
د دغې هوکړې په اساس د قراردادي شرکت له لوري د ډبرو سکرو انتقال کابل ته د کانونو او پټرولیم وزارت سره په همغږۍ دکابل ښار په بېلابېلو برخو کې چې د کابل ښاروالۍ له لوري ځانګړي شوي، د ډبرو سکاره د کابل ښار په اوسېدونکو په مناسب قېمت سره وپلوري.
