د هېواد د نفتو او ګازو په کانونو کې د پانګونې لېوالیتا
د کانونو او پټرولیم وزارت سرپرست الحاج ملا هدایت الله بدري د شنبې په ورځ د (1403/5/27) نېټې په خپل کاري دفتر کې د کام ګروپ او د ازبکستان ایریل شرکتونو له رئیسانو سره وکتل.
په پیل کې د وزارت سرپرست مېلمنو ته د ښه راغلاست ترڅنګ د نفتو او ګازو په برخو کې یې د پانګونې په اړه خبرې وکړې.
د ایریل او کام ګروپ شرکتونو رئیسانو د کانونو او پټرولیم وزارت د رهبرۍ له میلمه پالنې څخه مننه وکړه دغه راز یې د هېواد په کانونو په ځانګړې توګه د جوزجان ولایت طوطي میدان ګازو بلاک کې د پانګونې په موخه خپله لېوالتیا څرګنده کړه.
د کانونو او پټرولیم وزارت سرپرست د هېواد په کانونو کې د پانګونې په برخه کې د دوی د لېوالتیا هرکلی وکړ ویې ویل: دغه وزارت هڅه کړې چې په هېواد کې د پانګونې په موخه ملي او بین المللي پانګوال وهڅوي، ترڅو وکولای شو هېوادوالو ته د کاري زمینې برابرولو سربېره اقتصادي ودې ته لا پراختیا ورکړو.
