د میدان وردګ ولایت د یاقوتو کان داوطلبي ترسره شوه
د میدان وردګ ولایت د نرخ ولسوالۍ د شاه کابل خورد، کبود یاقوتو داوطلبي د یوې رڼې پروسې په ترڅ کې د وزارت په مقام کې ترسره شوه.
د کانونو او پټرولیم وزارت سرپرست شیخ الحدیث شهاب الدین دلاور د یادې سیمې یاقوت چې مخکې یې د داوطلبۍ لپاره اعلان ته سپارلي ول، د یوشمېر رئیسانو، ټاکلي پلاوي او هغو شرکتونو په شتون کې چې د پروپوزلونو په ارزونې کې د داوطلبۍ شرایط پوره کړي ول د یوې رڼې پروسه په ترڅ کې یې داوطلبي ترسره شوه.
په دغه داوطلبي کې د امان عرفان دراني شرکت چې 59 سلنه به اسلامي امارت ته ورکوي د میدان وردګ ولایت د کبود یاقوتو ګټونکی اعلان شو.
د یادونې وړ ده چې د یاد کان مساحت 0.254997 کیلومټره دی او د پنځو کالولپاره په قرار داد ورکړل شو.
