د قیمتي او نیمه قیمتي ډبرو د خرڅلاو او صادراتو د میکانیزم د نهایي کولو په موخه، له خصوصي سکتور سره مشورتي ناسته ترسره شوه

firoz_admin
پنجشنبه ۱۴۰۰/۱/۵ - ۱۹:۳۴
ااا

د کانونو او پټرولیم وزارت د پالیسۍ او د استخراجي برنامو د تسهیل معین محمد عتیق ذکي، نن غرمه د قیمتي او نیمه قیمتي ډبرو له سوداګرو سره وکتل. په دې کتنه کې د قیمتي او نیمه قیمتي ډبرو د خرڅلاو او صادراتو د میکانیزم د نهایي کولو  په اړه، بحث او خبرې وشوې. 

د کانونو او پټرولیم وزارت د پالیسۍ او د استخراجي برنامو د تسهیل معین محمد عتیق ذکي وویل: د قیمتي او نیمه قیمتي ډبرو د سوداګرو ستونزو او وړاندیزونو ته رسیدګي کیږي. موږ غواړو چې د اغېزناکو برنامو په طرحه کولو سره، نړېوالو او ملي پانګوالو ته د پانګونې او د غیرقانوني کیندنو د قانوني کولو اسانتیاوې برابرې کړو ترڅو د ملي عوایدو د ارتقاء او د کاري فرصتونو ایجادولو ته زمینه مساعده شي. 

د پالیسۍ او استخراجي برنامو د تسهیل معین د صادراتو د پالیسۍ او د غیرقانوني کیندنو د قانوني کولو په برخه کې د وزارت د اقداماتو په اړه هم هراړخیز معلومات وړاندې کړل. 

د غونډې په لړ کې پرېکړه وشوه چې د قیمتي او نیمه قیمتي ډبرو د سوداګرو او پانګوالو نظریات د صادراتو په طرزالعمل کې شامل او په هغه غونډه کې چې ټاکل شوې راتلونکې پنجشنبه دایره شي، نهایي او د اقتصاد عالي شورا ته د تاییدۍ لپاره وړاندې شي.

تازه خبرونه

سه‌شنبه ۱۴۰۰/۲/۲۱ - ۱۳:۳۱
Background image

د وروستیو تروریستي پېښو د شهیدانو روح ته د دعا په موخه، د کانونو او پټرولیم وزارت کې د قرآن عظیم الشان ختم ترسره شو

د جمهوري ریاست د عالي مقام په لارښونه، د وروستیو تروریستي پېښو د شهیدانو روح ته د دعا په موخه، د کانونو او پټرولیم وزارت کې د قرآن عظیم الشان ختم ترسره شو.

په دغو مراسمو کې د کانونو او. . .

شنبه ۱۴۰۰/۲/۱۸ - ۸:۴۶
Background image

د کټواز د رسوبي حوزې (د نفت او ګازو احتمالي حوزه) سروې، له ۴۰ کلن انتظار وروسته د حکومت په بودیجه ترسره کیږي

د افغانستان د اسلامي جمهوریت جمهوررئیس محمد اشرف غني په مشرۍ د تدارکاتو کمیسیون غونډې، د کټواز د رسوبي حوزې (د نفت او ګازو احتمالي حوزه) د سروې پروژه، تایید کړه.

د ۴۰ زره کیلومتر مربع. . .

شنبه ۱۴۰۰/۲/۱۸ - ۸:۴۴
Background image

د لومړي ځل لپاره د افغانستان د قیمتي او نیمه قیمتي ډبرو، پېر او صادراتو ته زمینه برابره شوه

د افغانستان د اسلامي جمهوریت جمهوررئیس محمد اشرف غني په مشرۍ د اقتصاد د عالي شورا د ۱۵/۲/۱۴۰۰ نېټې لومړۍ غونډې د قیمتي او نیمه قیمتي ډبرو د پېر او صادراتو د اسانتیا طرزالعمل تایید کړ.

. . .

بېرته خبرونه ته