د سرپل ولایت د قشقري څاه څخه د 10000 ټن خام تیلو د ورځنۍ خرڅلاو آفرګشايي ترسره شوه.
د کانونو او پټرولیم وزارت د یکشنبې د (18/2/1401) نېټې د سرپل ولایت د قشقري څاه څخه د 10000 ټن خام تېلوخرڅلاو آفرګشايي د یاد ولایت د غونډو په تالار کې په شفافه توګه تر سره شوه.
د کانونو او پټرولیم وزارت د سرپل ولایت د قشقري څاه څخه د 10000 ټن ورځني خرڅلاو آفرګشايي چې مخکې اعلان ته سپارلې وه، د موظف هیئت، آفرګشايي او د هغو شرکتونو په شتون کې چې د پروپزلونو په ارزولو کې یې د داوطلبۍ شرایط پوره کړي وو، د یوې شفافې پروسې لاندې تر سره کړه.
په دغه آفرګشايي کې د نارت نوبل انرژي د تېلو خام موادو تصفیوي شرکت في ټن 631 شپږ سوه او یو دېرش امریکايي ډالرو د آفرګشايي هئیت له لوري ګټونکی اعلان کړ.
