کانونو او پټرولیم وزارت سرپرست د (Silk Road) کمپنی له مسؤولینو سره لیدنه وکړه
د کانونو او پټرولیم وزارت سرپرست ښاغلي عنایت الله مومند تیره ورځ وروسته له غرمي د (Silk Road) د کان کېندنې د کمپنی له ریئس او همداشان د مس شیدا پروژې له قراردادي ښاغلي سمیع الدین صدیقي سره د خپل کار په دفتر کې لیدنه وکړه.
د لیدنې موخه، د مس شیدا پروژې د پرمختګونو او د پروژې اړوند موضوعاتو په باره کې له وزارت مقام سره بحث ؤ. د لیدنې په ترڅ کې د قراردادي شرکت مسؤولینو وزارت مقام ته د مس شیدا پروژې د پلټنې (اکتشافي) کار د شروع په برخه کې، وزارت مقام ته د پام وړامادګيو په اړه ډاډ ورکړ.
د یادولو وړ ده چې، مس شیدا پروژه د هرات ولایت اړوند د ادرسکن او ګذرې ولسوالیو په سرحدي کرښه واقع ده، چې ذکر شوی شرکت به د دریو کلونو په موده کې د پلټنې(اکتشاف) د مرحلې په برخه کې ( 21.3) ملیونه امریکایې ډالره لګښت وکړي.
#هرات #مسشیدا #کانونو _او_پټرولیم #MoMP
