د کانونو او پټرولیم وزارت سرپرست د تخار ولایت له علماوو او مشرانو سره وکتل
د کانونو او پټرولیم وزارت سرپرست الحاج ملا هدایت الله بدري د پنجشنبې په ورځ 1403/10/20 نېټې په خپل کاري دفتر کې د تخار ولایت له علماوو او مشرانو سره وکتل.
په دې لیدنه کې یې د دیني عالمانو د رول، اسلامي نظام او د کانونو او پټرولیم وزارت د فعالیتونو لاسته راوړنو په اړه بحث او نظرونه شریک کړل.
د یاد ولایت مشرانو او مخورو د وزارت د مشرتابه د کارونو ستاینه وکړه، د کاني سرچینو او د سیمې خلکو ته د کاري فرصتونو په رامنځته کېدو خبرې وکړې او دیاد ولایت د کاني سرچینو د ښه مدیریت لپاره یې خپل نظرونه او وړاندیزونه وړاندې کړل، د خلکو ستونزې یې د وزارت له سرپرست سره شریکې کړې.
د کانونو او پټرولیم وزارت سرپرست وویل: اسلامي امارت او د کانونو او پټرولیم وزارت مشرتابه هڅه کوي چې د خلکو د ژوند د هوساینې لپاره د کارموندنې غوره چاپیریال برابر کړي.
