د کانونو او پټرولیم وزارت سرپرست د پکتیکا له والي سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د شنبې په ورځ د 11/6/1402 نېټې د پکتیکا له والي ښاغلي مولوي فیض الله جمال او مل پلاوي سره په خپل کاري د فترکې ولیدل.
په دغه لیدنه کې د بېلابېلو موضوعاتو ترڅنګ په ځانګړې توګه د پکتیکا ولایت د کټواز په نفتو باند بحث او نظرونه شریک کړل.
د پکتیکا والي د کاني زېرمو د مدیریت په برخه کې د کانونو او پټرولیم وزارت هڅې وستایلې او مننه یې وکړه او زیاته یې کړه چې د یاد ولایت اقتصادي پیاوړتیا خلکو ته د اسانتیاو برابرلو په برخه کې لا ډېرو کارونو ته اړتیا ده.
همدارنګه د یاد ولایت د خلکو ستونزې او غوښتنې یې د وزارت له مشرتابه سره شریکې کړې او یاد ولایت ته یې د لا ډېرې پاملرنې غوښتنه وکړه.
د کانونو او پټرولیم وزارت سرپرست د پکتیکا والي ته ډاډ ورکړ، چې د شته امکاناتو په شتون کې به د یاد ولایت خلکوستونزو ته لازمه پاملرنه وشي.
