د قیمتي او نیمه قمیتي ډبرو د طرزالعمل د تطبیق د هماهنګۍ له پاره غونډه وشوه
د قیمتياو نیمه قیمتي ډبرو طرز العمل چې د اقتصادي عالي شورا له خوا تصویب شوی او تر تطبیق لاندې و، د لا ښه اغیزناکه تطبیق له پاره یې نن د کانونو او پټرولیم وزارت کې د هماهنګي غونډه دایره شوه.
په یاده غونډه کې د کانونو او پټرولیم وزارت وزیر محمد هارون چخانسوري، د دغه وزارت د پالیسۍ او استخراجي برنامو مرستیال محمد عتیق ذکي، د مالیې وزارت د ګمرکاتو مرستیال محمد عالم شاه ابراهیمي، د سوداګرۍ او صنعت وزرات مرستیال سلمان بن شاه،د ملکي هوانوردۍ ادراې د پالیسۍ مرستیال حسیب سروش، د صنایعو او کانونو خونې لوی رییس شیرباز کمین زاده او د سوداګرۍ خونې مرستیال، د قیمتي او نیمه قیمتي ډبرو د صادرونکو اتحادیې رئیس نصیب عزیز بیک او د سوداګرۍ خونې مرستیال شفیق الله عطایي ګډون کړی وو.
په دغه غونډه کې و خصوصي سکتورته د قیمتي او نیمه قیمتي ډبرو د لیږد په پروسه کې د لانورو سهولتونو ایجادولو باندې بحث وشو او لازم تصمیمونه ونیول شول. ترڅو خصوصي سکتور وکولی شي چې د تصدیق پاڼې پر بنسټ په ګمرکاتو او هوايي ډګرونو کې له ستونزو سره مخ نه شي.
