سفر معین پلان و پالیسی وزارت معادن و پترولیم به ولایت بادغیس
شیخ ضیاءالرحمن الآریوبی معین پلان وپالیسی وزارت معادن وپترولیم به ادامه سفرهای شان عازم ولایت بادغیس گردیده، با الحاج مولوی غلام محمد محمدی معاون والی بادغیس درحالیکه تعدادی از روئسای ادارات ملکی و نظامی نیز حضور داشتند دیدار نمودند.
معین پلان و پالیسی در سفرشان به ولایت بادغیس، روی ایجاد کمیته نظارت از فعالیتهای منرالی که متشکل از ۹ ارگان، قوماندانی امنیه، استخبارات، ریاست های معادن، مالیه، اقتصاد، زراعت، محیط زیست و صنعت و تجارت ولایت بادغیس میباشد صحبت نموده افزودند: کمیته متذکره بمنظور جلوگیری از تخریب و قاچاق معادن، تنظیم و تسریع امور معدنکاری آنولایت ایجاد گردیده، روی همکاری ادارات محلی با کمیته فوق تاکید گردید.
