ورکشاپ سه روزه امنیت سایبری برای کارمندان وزارت معادن و پترولیم

ورکشاپ سه روزه تحت نام آگاهی از خطرات و واقعات سایبری از جانب وزارت محترم مخابرات و تکنالوجی  معلوماتی با همکاری ریاست های محترم منابع بشری و تکنالوجی و معلوماتی وزارت معادن و پترولیم برای تمام کارمندان مرکز و ولایات به گونه حضوری و انلاین، دوشنبه مورخ 29/5/1403 در صالون کنفرانس‌های وزارت معادن و پترولیم تدویر گردید.

در مراسم افتتاحیه ورکشاپ، محترم خلیل‌الرحمن کبیر زوی وارسی کننده ریاست امنیت سایبری تدویر این ورکشاپ را برای تمام کارمندان وزارت مهم خوانده و در رابطه به برنامه مذکور معلومات کلی ارایه نمودند.

در ادامه با ارایه پرزنتیشن در مورد تهدیدات سایبری، روش‌های جلوگیری از تهدیدات سایبر و اصطلاحات جدید در بخش امنیت سایبری توسط ترینران ریاست امنیت سایبری وزارت محترم مخابرات و تکنالوجی  معلوماتی به اشتراک کنند‌ه‌گان ارایه گردید