د کانونو او پټروليم وزارت رهبري غونډه تر سره شوه

د کانونو او پټروليم وزارت رهبري غونډه د سرپرست وزير شيخ الحديث شهاب الدين دلاور په مشرۍ د11/8/1402 نېټې د مرستيالانو او رئيسانو په ګډون تر سره شوه. 
په پیل کې د کانونو او پټرولیم وزارت سرپرست د یاد وزارت  د رهبري غونډو ترسره کېدو دښه والي او اهمیت په اړه خبرې وکړې.
ور پسې د وزارت د رهبري هئیت د تېرو پرېکړو د تطبیق راپور واو راوه او همدارنګه د مقام د دفتر ریاست د رئیس مولوي شکرالله شاکر له لوري د ځينو ریاستونو او قراردادي شرکتونو ستونزې، غوښتنې او کاري راپور واورول شو.
د غونډې په پای کې د کانونو او پټرولیم وزارت سرپرست د ریاستونو او قراردادي شرکتونو د کار دښه والي په موخه لازمې لارښوونې وکړې.