د کانونو او پټرولیم وزارت سرپرست د ترکیې هيواد د سیاسي او اقتصادي څېړنيز مرکز له رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د شنبې په ورځ د 11/6/1402 نېټې د ترکیې هېواد د سیاسي او اقتصادي څېړنيز مرکز له رئیس ښاغلي موسی سردار چیلي بي سره په خپل کاري د فترکې ولیدل.
په دغه لیدنه کې د کانونو او پټرولیم وزارت سرپرست وویل: په افغانستان کې د بهرنيو پانګوالو لپاره دپانګونې ښه زمینه او اسانتیاوې برابرې دي او کولی شي چې د افغانستان په کانونو باندې پانګونه وکړي.
ښاغلي موسی سردار چیلي بي وویل چې په افغانستان کې د کانونو په برخه کې د پانګونې لپاره ښه زمینه او اسانتیاوې برابرې دي، ترکیي پانګوال حاضر دي چې د یاد هېواد په کانونو باندې پانګونه وکړي.
د کانونو او پټرولیم وزارت سرپرست د کانونو په برخه کې د پانګونې په اړه د هغوی له لېوالتیا څخه مننه وکړه او د کان کېندنې د قانون اړوند یې ورسره د هر ډول همکاريو ژمنه وکړه.
