سرپل ولایت ته د کانونو او پټرولیم وزارت تخنیکي مرستیال سفر
د کانونو او پټرولیم وزارت تخنیکي مرستیال انجنیر وحیدالله حلیمي د یکشنبې په ورځ د 6/1/1402 نیټې د هایدرو کاربنونو د سرچینو له رئیس ښاغلي انجنیر قیس بلال سره د اقتصادي کمیسیون د 3 شمېرې پریکړه لیک دوهم تحقق لپاره د څارنې کمیټې د جوړولو په موخه سرپل ولایت ته سفر وکړ. له والي، امنیه قومندان، د استخباراتو رئیس، د کانونو رئیس او اړوندو رئیسانو سره یې وکتل او دغه کميټه د همدې ولایت د کانونو رئيس په مشرۍ جوړه شوه.
نوموړي دغه راز د قشقري او انګوت د نفتو له کانونو څخه هم لیدنه او ارزونه وکړه او د چارو د ښه ترسره کولو لپاره يې اړوندو مسوولینوته لازمې لارښوونې وکړې.
