د کانونو او پټرولیم وزارت سرپرست د تخار ولایت د کانونو له رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د تخار ولایت د کانونو له رئیس سره په خپل کاري دفتر کې ولیدل.
په دغه لیدنه کې د کانونو او پټرولیم وزارت سرپرست د یاد ولایت د پروژو د اهمیت سربېره یې د سرو زرو کانونو زر شويي، ډبرو سکرو، مالګې، د سمتي سرو زرو کان په اړه خبرې وکړې، د تخار ولایت د کانونو کیندنې په برخه کې پر روڼتیا ټینګار وکړ.
ورپسې د تخار ولایت د کانونو رئیس د خپلو کارونو او فعالیتونو راپور وړاندې کړ، خپلې غوښتنې او ستونزې یې د وزارت له مشرتابه سره شریکې کړې، د کانونو او پټرولیم وزارت سرپرست د یاد ریاست چارو د چټکتیا او ستونزو هواري په موخه لازمې لارښوونې وکړې.
