د کوچنیو او سترو معادنکارۍ پروژو داوطلبۍ اسانه شوي دي
چهارشنبه، ۲۹ جوزا ۱۳۹۸
کابل، افغانستان: کانونو او پټرولیم وزارت ۵ ساحې د سترو پروژو او ۲۴ ساحې په کوچنیو برخه کې اعلان ته سپارلی دي .
کانونو او پټرولیم وزارت سرپرستې اغلې نرګس نهان نن چهارشنبه دحکومت د اطلاعاتو او رسنیو په مرکز کې دیو خبري کنفرانس په ترڅ کې دپانګونې دجذب په موخه معلوماتونه ورکول وویل : ۲۰۱۹ کال به په کانونو سکټور کې دپانګونې دجذب کال وي.
اغلې نهان وویل چې دصنایع استخراجي سکټور په قوانینو کې اسانتیاوې راغلي او زیاته يي کړه چې په سترو او کوچنیو برخو کې اوسمهال دپانګونې وخت را رسیدلئ او پانګوال کولئ شي چې پدې برخو کې پانګونې وکړي.
اغلې نهان وویل چې دپانګونې په موخه ۳۸ ساحې مشخصه شوي چې پکې د مرمر ډبرې، تراورتین او تالک شامل دي. او یادې به پروژې به یو بل پسې اعلان شي.
اغلې نهان وویل ۳۸ پروژې چې پکې ۵ پروژو کې پانګوالو سره خبرې تکمیل شوي او په راتلونکي دوه میاشتو کې به يي کارونه تمام شي. پدې پروژو کې د سمنګان دسمنټو ، د جبل السراج دوهمه برخه او درې نورې برخو کې د مرمر ډبرې تراوتین او تالک شامل دي.
اغلې نهان دغیرې قانوني کیندونو په اړه وویل : دغیرې قانوني کیندنو ټولې ساحې مشخصه شوي اوسمهال کابل، پنجشیر، پروان او کاپیسا کې داسې ساحې چې غیر قانوني کیندنې کیږي هڅه کیږي چې یادې ساحې قانوني شي. او زیاته يي کړه چې د ننګرهار او هرات دغیرقانوني کیندنو معلوماتونه تکمیل شوي.
اغلې نهان وویل چې امنیتي ځواکونه پدې برخه کې کولئ شي مرسته وکړي ترڅو دغیرې قانوني کیندونو مخنوئ وشي.
