د کانونو او پټرولیم وزارت پلاوي د کندهار ولایت د فلورایټو له کان څخه لیدنه وکړه
د کانونو او پټرولیم وزارت پلاوي د کندهار ولایت د نېش ولسوالۍ دغنیګي سیمې د درېیم بلاک د فلورایټو له کان څخه لیدنه ترسره کړه.
په دغه لیدنه کې یې د یاد کان چارې له نږدې څخه و څېړلې او اړوند مسوولینو ته یې په بېلا بېلو برخو کې ځانګړې سپارښتنې وکړې، د یاد کان مسوولینو ډاډ ورکړ چې خپلې چارې به د کان کیندنې معیارونو ته په کتو سره ترسره کوي، په دغه کان کې له۱۵۰ څخه زیاتو هېوادوالو ته په مستقیم او غیر مستقیم ډول د کار زمینه برابره شوې ده، چې په راتلونکې کې به دغه شمېر لا زیات شي.
