د کانونو او پټرولیم وزارت سرپرست د عینک قراردادي کمپنۍ MJAM له مشر سره وکتل
د کانونو او پټرولیم وزارت سرپرست الحاج ملا هدایت الله بدري د مس عینک قراردادي کمپنۍ MJAM له مشر ښاغلي سونګ ون بینګ سره په خپل کاري دفتر کې وکتل.
په دغه کتنه کې ښاغلي سونګ هغه ته د کانونو او پټرولیم وزارت د سرپرست په توګه د ټاکل کېدو مبارکي ورکړه په چارو کې یې ورته د بریالیتوب هیله څرګنده کړه.
ښاغلي سونګ عینک ته د غزېدلي سړک په اساسي توګه د جوړولو، په نږدې راتلونکې کې د یادې پروژې د عملي کار پیل په اړه یې د کانونو او پټرولیم وزارت له سرپرست سره خپل کاري پلان شریک کړ او د مس عینک پروژې د پلي کولو لپاره یې د شرایطو د چمتوالي خبره وکړه.
د کانونو او پټرولیم وزارت سرپرست دیادې پروژې د ژر پیل کېدو غوښتنه و کړه او د یادې پروژې د عملي چارو د پیل په موخه یې د همکاریو ډاډ ورکړ.
