د کانونو او پټرولیم وزارت سرپرست د هېواد له یو تن جهادي شخصیت سره وکتل
د کانونو او پټرولیم وزارت سرپرست شیخ الحدیث شهاب الدین دلاور ددغه وزارت په مقام کې له یوتن جهادي شخصیت مولوي محمد سعید هاشمي سره وکتل.
ښاغلي مولوي محمد سعید هاشمي په تېرو دوو کلونو کې د اسلامي امارت د لاسته راوړنو، د کانونو او پټرولیم وزارت د کارونو او فعالیتونو ستاینه وکړه، په هېواد کې یې د بشپړ امنیت، د کانونو د پروژو او قراردادونو ستاینه یې وکړه، د کانونو او پټرولیم وزارت له سرپرست څخه یې د لا زیاتو رغنیزو پروژو د پیل غوښتنه وکړه.
د کانونو او پټرولیم وزارت سرپرست د ښه راغلاست تر څنګ ډاډ ورکړ، چې د کانونو او پټرولیم وزارت به په بېلابېلو برخو کې د شته امکاناتو په شتون کې د کار موندنې په موخه د قراردادنو لاسلیک په چارو کې روڼتیا، د اقتصادي پراختیا په برخه کې به له هیڅ رازهڅو څخه ډډه ونه کړي.
